Mga residenteng naapektuhan ng bagyong Enteng sa Las Piñas City hinatiran ng tulong ng LGU
Sa harap ng hagupit ng Bagyong Enteng, mabilis na tumugon at umikot si Las Piñas City Vice Mayor April Aguilar sa mga evacuation centers kabilang na ang nasa Barangay Pamplona Tres upang pangunahan ang paghahatid ng tulong sa mga apektadong kababayan.
Kasama ang puwersa ng Pamahalaang Lungsod ng Las Piñas City, nagdala ang bise alkalde ng mga gamot at maintenance medicine para sa mga senior citizens at person with disabilities (PWDs), kasabay ng pamamahagi ng relief supplies mula sa Department of Social Welfare and Development (DSWD).
Patuloy ang kanilang pagseserbisyo at malasakit sa mga evacuees upang matiyak ang kanilang kaligtasan at kalusugan sa panahon ng sakuna. (Bhelle Gamboa)
