Clearing ops sa mga kalsada at Mabuhay Lanes sa NCR pinaigting ng MMDA
Maigting ang isinasagawang clearing operations ng mga tauhan ng Metropolitan Manila Development Authority (MMDA) Special Operations Group-Strike Force (SOG-SF) sa mga pangunahing kalsada at Mabuhay Lanes na nagsisilbing alternatibong ruta sa Metro Manila.
Ngayong umaga, nasa 15 na sasakyan ang naisyuhan ng citation tickets dahil sa illegal parking habang siyam naman ang nahatak sa kahabaan ng Panay Avenue, Sct. Tuazon, at Sct. Ybardolaza sa Quezon City.
Target ng ahensiya na maging passable at obstruction-free ang mga pampublikong lansangan upang ligtas at matiwasay itong madaanan ng mga motorista.
Ayon sa MMDA anumang lagay ng panahon ay tuluy-tuloy ang pagsasagawa nila ng clearing operations sa mga lansangan sa National Capital Region. (Bhelle Gamboa)
