Tubig sa La Mesa Dam umapaw na – PAGASA

Umapaw na ang La Mesa Dam bunsod ng nararanasang malakas na pag-ulan dahil sa Habagat.

Sa 8:00AM update na inilabas ng Pagasa, nasa 80.20 meters na ang water level ng La Mesa Dam.

Dahil dito, ang tubig mula sa dam ay dadaloy na sa Tullahan River.

Pinayuhan ang mga naninirahan malapit sa ilog at ang mga nakatira sa mabababang lugar na maging maingat at bantayan ang sitwasyon.

Samantala, patuloy namang nagpapakawala ng tubig ang Ipo Dam.

Ayon sa PAGASA, isang gate ng dam ang nakabukas. Sa ngayon ay nasa 100.59 meters ang water level ng Ipo Dam. (DDC)