Pasok sa Quezon City Hall suspendido na ngayong araw, Sept. 2

Suspendido na ang pasok sa mga tanggapan sa Quezon City Hall ngayong Lunes, Sept. 2.

Ito ay dahil sa nararanasang sama ng panahon dulot ng bagyong Enteng at Habagat.

Ayon sa abiso ng Quezon City LGU, patuloy namang maghahatid ng serbisyong medikal, law enforcement, traffic management, disaster at emergency response at iba pang essential services.

Ipinaubaya naman ng QC LGU sa pamunuan ng mga pribadong kumpanya at opisina ang desisyon kung suspendihin ang kanilang operasyon. (DDC)