3 patay, 7 nawawala sa paglubog ng dalawang bangka sa Antique

Patuloy ang ginagawang search and rescue (SAR) operations ng Philippine Coast Guard (PCG) sa nawawalang pitong pasahero ng dalawang motorbanca na lumubog sa Caluya Island, Antique.

Lumubog ang MBCA Ure Mae at isa pang bangka sa Caluya Island noong Aug. 26 matapos itong maglayag galing ng Boracay Island.

Ayon sa inisyal na imbestigasyon, hinampas ng malalakas na alon ang dalawang bangka na may lulang 20 pasahero.

Sa salaysal ng dalawang nakaligtas, napadpad sila sa San Jose, Romblon at lumangoy hanggang sa pinakamalapit na baybayin.

Nakilala ang tatlong nasawi na sina Christopher Gajero, Marlon Belleca at Mark Delloro.

Nakaligtas naman ang sumusunod na mga pasahero:

1. Junald Patricio
2. Garry Patricio
3. Arnold Terilijos
4. Alvin Salodes
5. Rhea De Vera
6. Jarenz Bernal
7. Joseph Tereliyos
8. Frederick Lompero
9. Luisa Ojana
10. Arnel Belleca

Habang pinaghahanap pa ang pitong pasahero na nakilalang sina:

1. Christian Aguilar
2. Vic Florendo
3. Roel Delloro
4. Joseph Delloro
5. Frankie Gajero
6. Rosauro Delloro
7. Zaldy Pacis (DDC)