Pasok sa Korte Suprema suspendido ngayong araw (Aug. 28).
Suspendido ang pasok sa lahat ng tanggapan sa Korte Suprema ngayong araw, Aug. 28.
Ito ay dahil sa hindi magandang panahon na nararanasan sa lungsod ng Maynila na posibleng magdulot ng pagbaha.
Sa inilabas na abiso ng Supreme Court (SC) iniutos ni acting Chief Justice Marvic MVF Leonen ang suspensyon ng pasok sa Mataas na Hukuman.
Tuloy naman ang pasok ng mga empleyado ng Korte Suprema na nasa essential services.
Habang ang suspensyon ng pasok sa Court of Appeals at sa lower courts ay ipinaubaya ng SC sa pagpapasya ng Presiding Justices at executive judges. (DDC)
