Pamamahagi ng donasyong wheelchairs ni VM Aguilar sa mga nangangailangang residente sa Las Piñas City, nagpapatuloy
Tuluy-tuloy ang pamamahagi ni Las Piñas City Vice Mayor April Aguilar ng kanyang mga donasyong wheelchair para sa mga residenteng nangangailangan sa lungsod.
Ito ay bahagi sa mga hakbang ni VM Aguilar upang kalingain at ipagmalasakit ang mga Las Piñero.
Dalawa pang wheelchairs ang personal na ipinagkaloob ng bise-alkalde sa residente na nangangailangan mula sa Barangay BF International/CAA.
Ang donasyon mula sa bise alkalde ay tinanggap ng kaanak ng residente na nahihirapang kumilos, sa Las Piñas City Hall.
Inihayag ni Vice Mayor Aguilar ang pangako nitong patuloy na suporta sa mga nangangailangang residente at sinigurong matatanggap ang kanilang kaukulang tulong para sa mas maayos nilang pamumuhay. (Bhelle Gamboa)
