Alice Guo umalis ng bansa sakay ng bangka ayon sa kaniyang kapatid

Kinumpirma ng kapatid ni Alice Guo na si Shiela Guo na sumakay sila ng bangka sa kanilang paglabas ng bansa.

Ayon kay Shiela, sinundo sila ng van sa kanilang bahay sa Tarlac patungo sa isang lugar kung saan sila sumakay ng maliit na bangka.

Dalawang beses silang lumipat ng bangka, kung saan kabilang sa sinakyan nila ang mas malaking bangka na ang isa ay may margang mga lambat.

Sa pagdinig ng Senate Justice and Human Rights Subcommittee, kinumpirma din ni Shiela na kasama niyang umalis ng bansa si Alice Guo at si Wesley Guo.

Hindi naman mabanggit ni Shiela sa Senado kung saang lokasyon sila sumakay ng bangka.

Ayon kay Shiela, hindi niya alam ngayon kung nasaan ang kapatid niyang si Alice.

Aniya, pagdating nila sa Indonesia ay naghiwalay na sila ni Alice. (DDC)