Dalawang kasama ni Alice Guo naaresto na ng mga otoridad sa Indonesia – Abalos
Kinumpirma ni Interior and Local Government Secretary Benhur Abalos na hawak na ng mga otoridad sa Indonesia ang dalawang kasama ni Alice Guo.
Ayon kay Abalos, batay sa report na natanggap niya mula kay PNP chief Police General Rommel Marbil, nakakulong na sa Indonesia ang dalawang kasama ni Guo na kinilalang sina Cassandra Li Ong and Guo’s sister Sheila Guo.
Paalis sana ng Indonesia ang dalawa nang maharang sila ng mga otoridad.
Patuloy namang pinaghahanap ng Indonesian authorities si Alice Guo. (DDC)
