Las Piñas City pinarangalan sa dekalidad na nutrition program

Ginawaran ng mga parangal ang Las Piñas City dahil sa dekalidad at epektibong programang nutrisyon para sa kapakanan ng mga residente nito sa lungsod.

Personal na tinanggap ni Vice Mayor Mayor April Aguilar kasama si City Nutrition Office head Dr. Julio Javier ang Certificate of “Quality Nutrition Program” at ang “Most Improved LGU in the Implementation of the Mandatory Food Fortification Program Awards” para sa natatanging implementasyon ng 2023 Nutrition Program Management sa Las Piñas City.

Ang Certificate of Quality Nutrition Program ay iginawad sa Nutrition Honor Awardees (NHA) na nagpamalas ng pangkalahatang pagsunod sa mga itinakdang pamantayang nutrisyon tungo sa napaka-epektibong pamamahala ng nutrition program ng kani-kanilang 2023 local nutrition action plan.

Kinilala rin ang Las Piñas City sa mas bumuti pang performance nito kung kaya natiyak ang higit 90% na retail outlets sa pagbebenta ng iodized salt at Vitamin A fortified cooking oil, at ang paggamit ng Vitamin A fortified flour ng mga bakery owners sa lungsod. (Bhelle Gamboa)