Singer na si Gerald Santos humarap sa pagdinig ng Senado; umaming nabiktima siya ng panggagahasa ng isang musical director

Ibinunyag ng singer na si Gerald Santos na siya ay nabiktima ng rape ng isang dating musical director ng isang television network.

Humarap si Santos sa pagdinig ng Senate commitee on public information and mass media na nag-iimbestiga ng kaso ng secual abuse sa entertainment industry.

Sa natirang pagdinig sinabi ni Santos na siya ay na-rape at nangyari ang insidente 19 na taon na ang nakararaan.

Ayon kay Santos nangyari ang insidente taong 2005 kung saan siya ay 15-anyos pa lamang.

Hindi naman niya pinangalanan sa pagdinig kung sino ang gumawa nito sa kaniya.

Ayon kay Santos, itinago niya ang pangyayari dahil sa takot at kahihiyan.

At bilang contestant lamang noon sa Pinoy Pop Superstar at sa edad na 15, wala umano siyang lakas ng loob.

Unang inilantad ni Santos ang kaniyang naging karanasan sa social media matapos malantad ang nangyari sa anak ni Niño Muhlach na si Sandro. (DDC)