Pasahero na lulan ng habal-habal patay matapos pumailalim sa bus sa EDSA

Patay ang pasahero ng motorsiklo matapos pumailalim ang motorsiklo nito sa isang pampasaherong bus nang pumasok sa EDSA Busway Lunes (Aug. 19) ng umaga.

Rumesponde sa insidente ang mga tauhan ng MMDA Road Emergency Group at traffic personnel na nangyari sa bahagi ng EDSA northbound-Trinoma.

Sa impormasyong natanggap ng MMDA, namatay ang sakay ng motorsiklo.

Mahigpit naman ang paalala ng MMDA sa mga motorista at nagmo-motor na huwag magpumilit na pumasok sa EDSA Busway dahil mapanganib.

Nakalaan ang innermost lane ng EDSA para sa mga pampublikong bus at mga sasakyang otorisadong dumaan at gumamit ng EDSA Busway alinsunod sa guidelines ng Department of Transportation (DOTr).

Pinaalalahanan din ang mga mananakay na huwag tangkilikin ang mga habal-habal na motor.

Ang mga habal-habal ay walang prangkisa o kaukulang dokumento. (DDC)