3M shabu nakumpiska, 2 babaeng suspek arestado sa Taguig City
Napasakamay ng mga operatiba ng Southern Police District Drug Enforcement Unit ang dalawang babaeng high-value drug suspect at nakumpiska ang tinatayang 450 gramo ng umano’y shabu na nagkakahalaga ng ₱3,060,000 sa Barangay Rizal, Taguig City, ala-1:15 ng madaling araw ngayong Huwebes, Agosto 15.
Ang mga naarestong suspek ay kinilalang sina alyas Arianne, 37-anyos, at alyas Joann, 19-anyos.
Nabatid na ang dalawang suspek ay nadakip na rin sa paglabag sa kasong Comprehensive Dangerous Drugs Act of 2002.
Sa gitna ng operasyon,narekober ang anim na plastic packs na naglalaman umano ng shabh,marked money, android phone at pouch na dinala sa tanggapan ng SPD Forensic Unit upang suriin.
Sasampahan ng kasong droga ang dalawang suspek sa Taguig City Prosecutor’s Office. (Bhelle Gamboa)
