3 suspek timbog sa Makati buy-bust ops
Tatlong suspek ang naaresto ng otoridad sa ikinasang buy-bust operation sa Osmeña Street, Barangay Poblacion, Makati City.
Kasong paglabag sa RA 9165 (Comprehensive Dangerous Drugs Act of 2002) ang kakaharapin ng mga suspek na kinilalang sina alyas Arvin, 51-anyos; alyas Magie, 50-anyos; at alyas Mike, 39-anyos.
Sa gitna ng operasyon na isinagawa ng mga tauhan ng Makati City Police Station Drug Enforcement Unit at Olympia Police Substation, nakabili umano ng droga ang police poseur buyer sa mga suspek na nagresulta ng kanilang pagkaaresto.
Narekober din ang 9 na pakete na naglalaman ng 15 gramo ng shabu na nagkakahalaga ng ₱102,000, buy-bust money, tatlong cellphones at pouch na agad itinurn-over ang mga ebidensiya sa Southern Police District Forensic Unit (SPDFU) para sa chemical analysis.
Nakakulong ang mga suspek sa nasabing himpilan ng pulisya. (Bhelle Gamboa)
