P5k to P8K cash assistance sa bawat residente ng barangay, peke ayon sa DILG

Pinapaalalahanan ang publiko tungkol sa kumakalat na text message na nagsasabing ang Department of Interior and Local Government (DILG) at ang Department of Social Welfare and Development (DSWD) ay mamamahagi ng tulong pinansyal sa bawat residente ng barangay.

Ayon sa DILG, base sa ipinakakalat na fake news, magbibigay ang DILG at DSWD ng P5,000 hanggang P8,000 sa bawat residente ng mga barangay.

Sinabi ng DILG na walang kaugnayan ang ahensya sa nasabing programa at walang kahalintulad na programa sa kasalukuyan.

Paalala ng DILG sa publiko, maging maingat at mapanuri sa impormasyong nakikita at huwag basta-basta maniniwala. (DDC)