P1M shabu nakumpiska; 2 suspek timbog sa Parañaque buy-bust

Tinatayang 150 na gramo ng hinihinalang shabu na may halagang P1,020,000 ang nakumpiska ng mga operatiba ng Parañaque City Police Station Drug Enforcement Unit mula sa dalawang suspek sa kasagsagan ng buy-bust operation sa Barangay San Dionisio sa lungsod.

Ang mga suspek ay kinilalang sina alyas Marvin, 28-anyos, High Value Individual (HVI) at alyas Eduard, 20-anyos.

Ayon sa report, ang operasyon ay nagresulta ng pagkakumpiska ng umano’y ilegal na droga, buy-bust money,sling bag at coin purse.

Dinala ang narekober na ebidensiya sa PNP Southern Police District Forensic Unit upang suriin.

Samantala ang dalawang suspek ay nasa kustodiya ngayon ng Parañaque City Police Station at nakatakdang sampahan ng kasong paglabag sa Comprehensive Dangerous Drygs Act of 2002. (Bhelle Gamboa)