17 patay sa landslide sa isang landfill sa Uganda
Umakyat na sa 17 ang bilang ng mga nasawi sa landslide sa landfill sa Kampala, Uganda.
Nakaranas ng malakas na buhos ng ulan sa lugar sa nakalipas na ilang araw na nagresulta ng landslide sa landfill.
Ilang mga bahay sa paanan ng landfill ang natabunan ng tambak na basura.
Ayon sa Uganda Red Cross umabot na sa 17 ang na-recover na katawan habang patuloy pa ang ginagawang operasyon ng mga rescuer para mahanap ang mga nawawala pa.
Iniutos na ni Uganda President Yoweri Museveni ang paglilikas sa lahat ng naninirahan malapit sa landslide. (DDC)
