Celine Pialago nagbitiw bilang spokesperson ng LTFRB

Nagbitiw bilang tagapagsalita ng Land Transportation Franchising and Regulatory Board (LTFRB) si Celine Pialago.

Kinumpirma ng LTFRB na ang pagbibitiw ni Pialago ay epektibo sa Aug. 31.

Sa liham ni Pialago kay LTFRB Chairman Teofilo Guadiz III, sinabi nitong nais niyang subukan ang mga bagong hamon sa kaniyang career.

Tiniyak naman ni Pialago na gagawin ang lahat para sa smooth transition sa iiwanan niyang pwesto.

Nagpasalamat din si Pialago sa mga kasamahan sa LTFRB sa tiwala at suporta sa panahon ng pananatili niya sa ahensya. (DDC)