Publiko pinag-iingat ng DOH sa mga pekeng loan centers gamit ang pangalan ng Malasakit Program
Pinag-iingat ng Department of Health (DOH) ang publiko sa mga ipinakakalat na post sa Facebook Pages na nagpapanggap bilang Loan Centers ng Malasakit Program Office.
Ayon sa DOH, gamit ang Malasakit Program ay nag-aalok ng loan ang nasabing mga FAcebook page.
Paalala ng DOH, hindi nito sinusuportahan ang mga ganitong uri ng aktbidad at serbisyo.
Peke umano ang nasabing mga FB pages at walang kaugnayan sa DOH.
Sinabi ng DOH na maaaring maharap sa kasong kriminal ang mga nagpapakalat ng nasabing post na layong makapanloko ng publiko. (DDC)
