Biyahe ng MRT-3 nagka-aberya; isang tren nakaranas ng technical problem

Nakaranas ng problema sa biyahe ng MRT-3 umaga ng Biyernes (Aug. 9).

Sa abiso ng MRT-3, nagkaproblema ang unahang bagon ng isa nilang tren habang ito ay nasa pagitan ng Boni Avenue and Guadalupe (Northbound) dakong 8:37 ng umaga.

Ang mga pasahero ay dinala sa Boni Station para maisaayos ang problema sa bagon.

Alas 8:59 ng umaga dumating sa Boni Station ang panibagong tren para makasakay ang mga apektadong pasahero.

Ang nagkaproblemang tren naman ay dinala sa Shaw pocket track para maisailalim pa sa pagususri.

Humingi ng paumanhin ang pamunuan ng MRT-3 sa nangyaring aberya. (DDC)