Pang. Marcos binati si Nesthy Petecio sa tagumpay nito sa Paris Olympics
Pinatunayan ng Pinay boxer na si Nesthy Petecio na ang mga Pinoy ay hindi umaatras sa anumang hamon.
Ito ang pahayag ni Pangulong Ferdinand Marcos Jr. kasunod ng pagkakapanalo ni Petecio ng bronze medal sa Paris Olympics.
Binati at pinasalamatan ng pangulo si Petecio sa pag-uwi ng medalya sa Pilipinas.
“You’ve truly shown the world how Filipinos never back down from a challenge,” ayon sa pangulo.
Sinabi ni Pangulong Marcos na proud ang buong bansa kay Petecio.
Mayroon ng apat na medalya ang Pilipinas sa Paris Olympics.
Dalawa ang gintong medalya na nakuha ni Carlos Yulo at tig-isang bronze medal ang mga boxer na sina Petecio at Aira Villegas. (DDC)
