POC binati si Carlos Yulo matapos makakuha ng ikalawang gintong medalya sa Paris Olympics
Binati ng Philippine Olympic Committee (POC) si Carlos Yulo sa pagkakapanalo nito ng ikalawang gintong medalya ng Pilipinas sa ginaganap na Paris Olympics.
Nakuha ni Yulo ang kaniyang ikalawang gintong medalya matapos ang tagumpay sa Men;s Artistic Gymnastics – Vault Finals.
Ayon sa POC, double gold medalist na si Yulo matapos ding magwagi sa men’s floor exercise finals.
Sinabi ng POC na maituturing itong “golden chapter” sa kasaysayan ng Philippine Gymnastics.
Maituturing din itong “monumental moment” para sa bansa.
Ayon sa POC, si Yulo ay nagpakita ng magandang halimbawa ng pagpupursigi at kahusayan sa world stage. (DDC)
