Oil recovery sa sumadsad na MV Mirola 1 sa Mariveles, Bataan sinimulan na ng PCG

Inumpisahan na ng Philippine Coast Guard (PCG) ang oil recovery operation sa MV Mirola 1 na sumadsad sa katubigan ng Sitio Quiapo, Barangay Biaan, Mariveles, Bataan.

Sa mga larawang ibinahagi ng PCG, makikita ang manu-manong pagsalok ng tumapong langis sa loob ng barko.

Ang mga nakukuhang langis ay inilalagay ng Coast Guard personnel sa malalaking drum.

Dadalhin naman sa ito isang waste disposal facility para masigurong hindi makapagdudulot ng masamang epekto sa kalusugan ng mga residente.

Lulan ng MV Mirola 1 ang “sludge oil” o pinaghalong used oil mula sa machineries, engine/motor oil, at diesel oil.(DDC)