Mga sinuring manok sa poultry sa Tarlac negatibo sa avian influenza
Negatibo sa avian influenza ang mga sinuring manok sa lalawigan ng Tarlac.
Ayon sa Bureau of Animal Industry (BAI), nagsagawa ng pagsusuri sa isang poultry sa Tarlac at base sa resulta, hindi infected pathogenic avian influenza ang mga manok.
Ginawa ng BAI ang hakbang kasunod ng mga kumalat na balita na mayroong outbreak ng bird flu sa lalawigan.
Ayon kay DA Assistant Secretary for Swine and Poultry Dante Palabrica, ang resulta ng ginawang pagsusuri ay nagpapatunay na hindi totoo ang mga lumabas na balita.
Una ng sinabi ng BAI na wala silang natatanggap na opisyal na report ng outbreak mula sa mga local authorities sa Tarlac. (DDC)
