3 kilos ng “marijuana” nakumpiska sa Las Piñas City
Tatlong kilo ng umano’y marijuana ang nasabat ng mga tauhan ng Las Piñas City Police Station Drug Enforcement Unit sa isang lalaking suspek sa ikinasang buy-bust operation sa Barangay Talon Uno sa lungsod.
Ang suspek ay kinilala sa alyas Brad, 25-anyos.
Nasamsam mula sa suspek ang hinihinalang marijuana na nakalagay sa mga plastic bag na tinatayang nagkakahalaga ng ₱360,000.00, eco bag at marked money.
Agad itinurn-over ang narekober na ebidensiya sa Southern Police District Forensic Unit (SPDFU) upang isailalim sa qualitative at quantitative analysis. (Bhelle Gamboa)
