DSWD nakapamahagi na ng mahigit 1M Family Food Packs sa mga nasalanta ng Bagyong Carina at Habagat
Umabot na sa mahigit isang milyong Family Food Packs ang naipamahagi ng Department of Social Welfare and Development (DSWD) sa mga rehiyon na naapektuhan ng Bagyong Carina at Habagat.
Sa datos ng DSWD, ang mga Family Food Packs ay ipinamahagi sa NCR, Central Luzon, Calabarzon, Mimaropa at Bicol Region.
Ang mga naipamahaging food packs ay pawang naka-preposition sa mga DSWD Field Offices at dinala sa mga local government units (LGUs).
Patuloy pa rin ang pakikipag-ugnayan ng ahensya sa mga lokal na pamahalaan upang maipahatid ang kinakailangang tulong sa mga nasalantang residente. (DDC)
