Bird flu outbreak sa Tarlac itinanggi ng BAI

Nilinaw ng Bureau of Animal Industru (BAI) na walang kumpirmadong outbreak ng bird flu sa Tarlac.

Ginawa ng BAI ang pahayag matapos kumalat sa social media ang balita na mayroong outbreak ng bird flu sa nasabing lalawigan.

Ayon sa BAI, sa ngayon wala silang natatanggap na opisyal na report ng outbreak mula sa mga local authorities sa Tarlac.

Wala ding kumpirmadong laboratory results na napaulat sa lugar.

Ayon sa BAI, ang kanilang Animal Diagnosis and Reference Laboratory ang natatangi at otorisadong mag-detect at makumpirma ng positibong kaso ng bird flu sa pamamagitan ng pagsasagawa ng testing protocols. (DDC)