Isa ang patay matapos mahulog sa ginagawang Senate Building sa Taguig City

Kinumpirma ng Senado na isa ang nasawi makaraang mahulog sa construction site ng Senate Building sa Chino Roces Avenue Extension, Fort Bonifacio, Taguig City.

Iniutos na ni Senate President Chiz Escudero ang imbestigasyon sa insidente at ang pag-review sa security protocols sa construction site.

Ayon sa report ng security team sa site at sa ayon sa Southern Police District (SPD), ang nasawi ay pumasok sa construction area nang walang pahintulot gabi ng Huwebes, July 25.

Sinubukan itong habulin at hanapin ng kaniyang kasama at ng security guard pero hindi siya natagpuan.

Batay sa ulat, nahulog ang biktima sa north tower at hindi pa tukoy kung saang palapag ito galing.

Inatasan na ng senado ang security sa lugar na maghigpit sa mga entrance at exit points. (DDC)