Mga motorista inabisuhan sa posibleng pagsisikip ng traffic sa NLEX sa Sabado (Jul. 27)

Inabisuhan ng pamunuan ng North Luzon Expressway (NLEX) ang mga motorista sa posibleng pagsisikip sa daloy ng trapiko sa nasabing lansangan sa Sabado, July 27.

Ito ay dahil sa selebrasyon ng 110th Anniversary ng Iglesia ni Cristo na gaganapin sa Ciudad de Victoria​.

Ayon sa NLEX, ang selebrasyon ay gaganapin mula 8:00 ng umaga hanggang 8:00 ng gabi.

Aasahan ang madaming bilang ng mga sasakyan at maaari ding sumikip ang daloy ng traffic.

Pinayuhan ang mga motorista na maghanap ng alternatibong ruta, o kaya ay maglaan ng mas mahabang oras sa pagbiyahe. (DDC)