“Gil Tulog” street signs sa Makati pinabaklas ni Mayor Binay
Binaklas na ang “Gil Tulog” street signs sa Makati City kasunod ng direktiba ni Makati City Mayor Abby Binay.
Ayon sa alkalde, ang naturang advertising campaign kung saan binago ang street signs ng Gil Puyat Avenue at ginawang Gil Tulog ay hindi dumaan sa kaniyang tanggapan.
Kung nakarating aniya ito sa Mayor’s Office ay hindi niya ito aaprubahan.
Sinabi ni Binay na pinagsabihan na niya ang mga opisyal ng City Hall na nag-isyu ng permit.
Humingi din ng paumanhin si Binay sa publiko at sa pamilya ni dating Senate President Gil Puyat. (DDC)
