Dalawang araw na 10th Regular Meeting & Vice Mayors’ League Academy Module VIII Seminar ng Quezon Chapter matagumpay na naidaos

Umulan man at umaraw tuloy ang serbisyo sa mamamayan sa pamamagitan ng lehislaturang trabaho.

Matagumpay at naging makabuluhan ang resulta ng pagtitipon ng mga Vice mayor ng bawat bayan sa buong lalawigan ng Quezon sa isang ika-10th regular monthly meeting ng Vice Mayors’ League Quezon Chapter na dinaluhan ng 29 Vice Mayor bitbit ang kanilang mga resolution at mga mungkahi para sa kapakanan ng kanilang mga kababayan.

Pinangunahan mismo ni Infanta Vice Mayor L.A. Ruanto na siyang Pangulo ng Samahan ng mga Bise Alkalde sa buong probinsya ng Quezon na nagtitipon-tipon upang pag-usapan ang mga mahalagang bagay kung paano matulungan ang kanilang mga constituents pagdating sa mga polisiya, programa, proyekto, mga basic social services at iba pang tulong.

Ayon kay Ruanto, malaking tulong ang ganitong aktibidad dahil mas lalo pang mapapalakas ang samahan at mapag-aralan pa lalo ang mga issues and concern ng kanilang nasasakupan.

Sa kanilang pagtalakay dito rin napag-alaman ang samu’t-saring problema ng bawat bayan bitbit nito ang mga resolution na dapat maiparating sa ahensya ng gobyerno at sa National Government officials upang makatulong sa kanilang mga hinaharap na trabaho.

Ito rin aniya ang pagkakataon na mahubog ang mga halig punongbayan sa mga ideya, konsepto, polisiya at mga panukala na mabigyang diin para mas titingkad pa ang kanilang pagiging presiding officer at sa pagdating ng tamang panahon ay sila rin ay magiging mga future executive ng kanilang bayan.

Samantala, sa mungkahi ni Vice Mayor Kinda Penamante ng Panukulan ay hinikayat nito ang iba pang vice mayor na sila ay makiisa at maging sinsero sa pagdalo ng ganitong pagtitipon upang mas lalo pang titibay ang kanilang kaalaman at karunungan pagdating sa lehislatura. (JR Narit)