Mga miyembro ng SSS sa lugar na nagdeklara ng state of calamity, pwedeng mag-apply ng calamity loan

Mag-aalok ng calamity loan ang Social Security System (SSS) sa mga miyembro nitong naapektuhan ng bagyong Carina at Habagat sa National Capital Region (NCR) at sa iba pang lugar na isinailalim sa state of calamity.

Ayon kay SSS President at Chief Executive Officer Rolando Ledesma Macasaet maaaring makahiram ng katumbas sa one monthly salary credit o hanggang P20,000.

Kwalipikado para sa calamity loan ang mga miyembro na mayroong at least 36 monthly contributions at nakatira sa declared calamity area.

Ang mga interesadong miyembro ay maaaring mag-apply ng calamity loan gamit ang kanilang My.SSS account sa pamamagitan ng http://www.sss.gov.ph. (DDC)