Welder kalaboso sa pagbebenta ng droga sa Taguig City

Kalaboso ang inabot ng isang welder matapos umanong magbenta ng shabu sa isinagawang buy-bust operation ng otoridad sa Napindan Site, Barangay West Rembo, Taguig City.

Kinilala ni Southern Police District Director Brig. General Leon Victor Rosete ang naarestong suspek na si alyas Sunny, 41-anyos.

Nagkasa ng buy-bust operation ang mga tauhan ng Station Drug Enforcement Unit ng Taguig CPS na nagresulta ng pagkaaresto ng suspek at nakumpiska ang umano’y 22.5 gramo ng shabu na nagkakahalaga ng ₱153,000 at buy-bust money.

Dinala ang narekober na ebidensiya sa tanggapan ng SPD Forensic Unit para suriin.

Inihahanda na ng otoridad ang pagsasampa ng kasong Comprehensive Dangerous Drugs Act of 2002 laban sa suspek. (Bhelle Gamboa)