High-tech Mobile Command Center ng MMDA inilunsad sa SONA ni Pang. Marcos
Kasabay ng ikatlong State of the Nation Address (SONA) ni Pangulong Ferdinand Marcos Jr., pormal na inilunsad ng Metropolitan Manila Development Authority (MMDA) ang kanilang high-tech Mobile Command Center (MCC).
Pinangunahan ni MMDA Acting Chairman Atty. Don Artes ang unveiling at blessing ng bagong MCC sa Commonwealth Avenue sa kanto ng Batasan/IBP Road sa Quezon City.
Gamit ang MCC, nabantayan ng MMDA ang lahat ng SONA-related activities kasama na ang traffic situations.
Ang MCC ay donasyon ng Globe Telecom sa MMDA na layong mas mapalakas pa ang traffic management at public safety monitoring ng ahensya sa Metro Manila.
Ang MCC ay mayroong state-of-the-art communications systems gaya ng portable command at dispatch system, multimode radio, remote CCTVs at drone capabilities. (DDC)
