P2.7M halaga illegal na droga nakumpiska sa Taguig
![P2.7M halaga illegal na droga nakumpiska sa Taguig](https://newsflash.ph/wp-content/uploads/2024/07/Taguig-Drugs-1.jpg)
Nakumpiska ng mga tauhan ng Station Drug Enforcement Unit ng Taguig City Police ang 400 gramo ng hinihinalang shabu na nagkakahalaga ng P2,720,000 at naaresto ang dalawang babaeng suspek sa isinagawang buy-bust operation sa Barangay Ususan sa lungsod.
Ang mga suspek ay kinilalang sina alyas Beth, 26-anyos, at alyas Claire 58-anyos.
Narekober ng operating team ang umano’y ilegal na droga, digital pocket scale, Realme cellphone, buy-bust money, at Chinese plastic bag na nakasulat ang salitang “Guanyinwang.”
Mahaharap sa kasong Comprehensive Dangerous Drugs Act of 2002 ang mga suspek. (Bhelle Gamboa)