Mahigit P5.1M na halaga ng illegal vape products nakumpiska sa Pasay City

Aabot sa kabuuang 9,359 na pirasong magkakaibang flavors/variants ng Flava vape products na nagkakahalaga ng P5,147,450 ang nakumpiska ng pinagsanib na puwersa ng Southern Police District Special Operations Unit at Department of Trade and Industry – Fair Trade Enforcement Bureau (DTI-FTEB) sa isinagawang sabay-sabay na operasyon sa dalawang establisyimento sa Pasay City.

Sinalakay ng mga otoridad ang mga establisyimento sa J. Silva corner Aurora St. at sa Brgy. 102 sa nasabing lungsod.

Bago ang joint operation, unang nagkasa ng malawakang case build-up at surveillance ang DTI-FTEB at DSOU SPD kung saan nadiskubre na lumabag ang dalawang establisyimento sa paglabag sa Republic Act 11900, Section 9 at Department Administrative Order No. 22-16, Series of 2022, Rule 6, Section 1(j) hanggang sa nakumpiska ang mga ebidensiya.

Ang mga narekober na ebidensiya ay nasa kustodiya ng DTI-FTEB. (Bhelle Gamboa)