Delivery ng passports na ipinroseso noong nakaraang linggo, maaantala ayon sa DFA

Maaantala ang pagdating ng ng mga pasaporte na iprinoseso noong nakaraang linggo.

Ayon sa Department of Foreign Affairs (DFA), apektado sila ng system downtime bunsod ng maintenance work na isinagawa ng kanilang service provider na APO Production Unit, Inc. (APO).
Dahil dito, magkakaroon ng delay sa pag-deliver ng mga passport.

Kung mayroong katanungan, sinabi ng DFA na maaaring makipag-ugnayan sa Consular Office (CO) o Foreign Service Post (FSP) kung saan ginawa ang aplikasyon.

Tiniyak ng DFA na patuloy ang pakikipag-ugnayan nito sa APO para sa pagpapanumbalik ng normal na serbisyo.

Humingi naman ng pang-unawa at paumanhin ang DFA sa mga apekado ng delay. (DDC)