2 drug personalities timbog sa P714K shabu sa Taguig City
![2 drug personalities timbog sa P714K shabu sa Taguig City](https://newsflash.ph/wp-content/uploads/2024/07/SPD-Drugs-Taguig.jpg)
Dalawang high-value individual (HVI) pushers ang nadakip ng otoridad at nakumpiska ang 105 gramo ng hinihinalang shabu na nagkakahalaga ng ₱714,000 sa isinagawang anti-illegal drug buy-bust operation sa New Lower Bicutan Taguig City, ngayong Lunes ng madaling araw, July 15.
Inanunsyo ni Southern Police District (SPD) District Director, BGen Leon Victor Z. Rosete ang pagkaaresto ng mga suspek na sina alyas John, 26-anyos, at alyas Rodolfo,38-anyos dahil sa paglabag sa Comprehensive Dangerous Drugs Act of 2002.
Naging matagumpay ang operasyon sa pagtutulungan ng mga operatiba ng DDEU-SPD, DID-SPD, DMFB-SPD, PDEA-SDO, SDEU Taguig CPS at Sub-station 9 Taguig CPS sa pamumuno ni Maj Cecilio Tomas Jr. na nagresulta ng pagkadakip ng mga suspek at pagkarekober ng umano’y ilegal na droga.
Kaagad dinala ang ebidensiya sa SPD Forensic Unit para sa chemical analysis.
Inihahanda na ng otoridad ang pagsasampa ng kaso laban sa dalawang suspek. (Bhelle Gamboa)