Koponan ng Montalban Youth Ballers sasabak sa championship ng International Youth Basketball League
Sasabak sa championship ng 14U Division ng International Youth Basketball League (IYBL) ang koponan ng Montalban Youth Ballers (MYB) Warriors.
Ito ay makaraang talunin ng MYB Warriors ang koponan ng LDBL x Saudi sa ginanap na semifinals sa score na 82-75.
Napuno ng tensyon at excitement ang Ynares Sports Arena sa Pasig City sa laban ng dalawang koponan noong Sabado (July 13) makaraang mauwi sa double overtime ang laban.
Sa tulong ng coach ng koponan na si Coach Shin Del Carmen Arce at determinasyon ng players, naipanalo ng MYB Warriors ang game at nakuha ang spot para lumaban sa championship.
Gaganapin ang championship sa Sabado, July 20 sa Amoranto Sports Complex sa Quezon City.
Makakalaban ng MYB Warriors ang koponang To the Tops mula Antipolo City.
Ang 17U ng MYB ay nagtapos din bilang 1st runner-up sa IYBL. (DDC)
