MYB Warriors nakasungkit ng apat na panalo sa ikalawang araw ng International Youth Basketball League

Magkakasunod na panalo ang nasungkit ng Montalban Youth Ballers (MYB) Warriors sa ikalawang araw ng nagpapatuloy na International Youth Basketball League (IYBL) na ginaganap sa Mandaluyong City.

Sa ikalawang araw ng liga na ginaganap sa Lourdes School of Mandaluyong, araw ng Huwebes, July 11 nakapagtala ng magkakasunod na panalo ang MYB Warriors.

Unang nagwagi ang 13U ng MYB Warriors kontra Siklab Bataan. Ito ang kanilang unang panalo sa liga.

Sa magkasunod na laban, tinalo ng 15U ng MYB Warriors ang Dubai Patriots at Novo Vizcayano. Itinanghal na Best Player of the Game si Prince Torres at Axl Alinea sa magkasunod na laban.

Ito na ang ikatlong panalo ng 15U ng MYB sa nasabing liga. Sa day 1 ng tournament ay tinalo ng 15U ng MYB ang Siklab Bataan.

Habang ang 17U ng MYB Warriors ay naitala din ang kanilang unang panalo makaraang talunin ang koponan ng Siklab Bataan.

Magpapatuloy ang torneo hanggang sa July 14, 2024.

Sa Day 3 ng tournament, makakaharap ng MYB 13U ang Golden Bears – Marikina, makakatunggali naman ng MYB 14U ang To the Top Tipas, habang ang Skip Basketball Culture-Antipolo ang makakalaban ng MYB 17U. (DDC)