11 patay sa salpukan bus at pick up sa Abulug, Cagayan

Patay ang labingisang katao na pawang sakay ng isang pick- up matapos masangkot sa aksidente sa bahagi ng Brgy. Ayaga, Abulug, Cagayan madaling araw ng Huwebes, Hulyo 11, 2024.

Nasawi ang 11 sakay ng pick up na pawang magkakamag-anak at residente sa bayan ng Allacapan.

Ang driver ng pick up na si Nasawi Nestor Mangupag na residente ng Gattaran at isang pang sakay nito ay kapwa nagtamo ng sugat.

Ang driver naman ng bus ay kinilalang si Jay-jet Andrada na residente ng barangay Logac, Lal-lo, Cagayan.

Ayon sa Cagayan Provincial Information Office, base sa pahayag ni PMAJ Antonio Palattao, hepe ng PNP Abulug, galing sa isang lamay sa bahagi ng Flora, Apayao ang pick up lulan ang 13 katao at pauwi sana sa Brgy. Dana-Ili, Allacapan.

Habang ang Florida Bus naman ay galing ng Baguio City at patungong Sta. Ana, Cagayan.

Batay sa inisyal na pagsisiyasat, palabas ang nasabing pick-up truck sa provincial road ng Brgy. Ayaga ay doon ito sinalpok ng bus.

Dahil sa lakas ng impact, dumeretso ang pick up sa isang talipapa habang sumadsad naman ang bus sa pader ng isang establisyimento sa lugar.

Bubusisiin pa ng pulisya ang CCTV Footage sa lugar upang makumpirma ang kabuuang sanhi ng aksidente.

Samantala, sinabi ni Major Palattao na mahaharap sa kasong reckless imprudence resulting to homicide and damage to property ang driver ng bus. (DDC)