Delivery rider tiklo sa P680K shabu sa Taguig buy-bust
Isang delivery rider ang inaresto ng otoridad matapos makumpiskahan ng 100 gramo ng umano’y shabu na nagkakahalaga ng ₱680,000 sa gitna ng buy-bust operation sa Santos Street, Barangay New Lower Bicutan, Taguig City alas-4:40 ng madaling araw ngayong July 10.
Ang suspek ay kinilalang si alyas Jr, 22-anyis, tinaguriang High Value Individual (HVI).
Ayon sa report ng Southern Police District (SPD) nagkasa ng operasyon ang mga operatiba ng Taguig City Police Station Drug Enforcement Unit na nagresulta ng pagkaaresto ng suspek at narekober bilang ebidensiya ang sinasabing ilegal na droga at buy-bust money na isasailalim naman sa chemical analysis ng SPD Forensic Unit.
Nakatakdang sampahan ang suspek ng kasong paglabag sa Comprehensive Dangerous Drugs Act of 2002. (Bhelle Gamboa)
