P136K na halaga ng shabu nakumpiska sa isang babae sa Pasay City
Sa kulungan ang kinabagsakan ng isang babae matapos mahulihan ng ₱136,000 na halaga ng hinihinalang shabu sa kasagsagan ng Oplan Galugad na ikinasa ng mga tauhan ng Pasay City Police Substation 4 sa Barangay 127 dakong alas-9:00 ng umaga ngayong Martes, July 9.
Ang suspek ay kinilalang si alyas Carol, 29-anyos.
Ayon sa report ng Southern Police District (SPD), nagsagawa ng operasyon ang otoridad sa lugar na nagresulta ng pagkadiskubre at pagkasabat ng 20 gramo ng umano’y shabu mula sa suspek.
Agad dinala ang ebidensiya sa SPD Forensic Unit upang suriin.
Nakatakdang sampahan ang suspek ng kasong paglabag sa Republic Act 9165 (Comprehensive Dangerous Drugs Act of 2002). (Bhelle Gamboa)
