Lalaki patay matapos tamaan ng kidlat sa Quezon
Nasawi ang isang 59 anyos na barangay tanod makaraang tamaan ng kidlat sa bayan ng Gumaca sa Quezon.
Ang lalaki na isa ring magsasaka sa lugar ay natagpuang patay sa bahagi ng Brgy. Casasahan Ibaba.
Ayon sa report ng Gumaca Police, maagang umalis ng Bahay ang magsasaka para tignan ang mga alaga niyang hayop sa bukid.
Pero tanghali na ay hindi pa rin ito nakakabalik sa kanilang bahay dahilan para hanapin siya ng kaniyang ga kaanak.
Nakita na lamang itong wala ng buhay at may sunog sa katawan.
Wala naming nakitang foul play sa pagkamatay ng biktima. (DDC)
