Pagtaas sa sweldo ng public school teachers suportado ni Senator Angara

Tiniyak ni incoming Education secretary, Sen. Sonny Angara na pag-aaralan nito ang mga panukalang itaas ang entry-level salary ng mga public school teachers.

Batay sa mga panukala, inihihirit na gawing P50,000 ang entry-level salary ng mga guro.

Maliban sa maaos na working conditions sinabi ni Angara na mahalaga din na mabigyan ng mas maayos na sweldo at benepisyo ang mga guro.

Sinabi ni Angara na makikipag-ugnayan siya sa Department of Finance (DOF) at Department of Budget and Management (DBM) para matalakay ang panukala.

Noong Pebrero inihain ng Makabayan bloc sa Kamara ang panukalang batas na itaas sa P50,000 ang entry-level na sweldo ng public school teachers. (DDC)