LP hinikayat si Sen. Angara na rebisahin ang K to 12 Program
Hinikayat ng Partido Liberal si Senator Sonny Angara na gawing prayoridad ang pag-rebisa sa K to 12 Program matapos itong maitalaga bilang kalihim ng Department of Education (DepEd)
Sa pahayag sinabi ni Liberal Party spokesperson Leila de Lima, dapat ding isulong ni Angara na maitaas ang sweldo at madagdagan ang benepisyo ng mga guro.
Dapat ding madagdagan pa ang budget na inilalaan para sa edukasyon.
Ayon sa LP, sa pagpasok ni Angara bilang kalihim ng DepEd, dadatnan nito ang iba’t ibang isyu at mga hamon.
Kabilang dito ang mahinang performance ng mga mag-aaral sa global assessments at agarang pangangailangan para sa curriculum reform.
Sa kabila nito, naniniwala ang LP na ang track record ni Angara sa edukasyon at legislative experience ay mahalaga sa pagsusumikap na mapabuti ang kalidad ng edukasyon para sa bawat kabataang Filipino. (DDC)
