3 patay matapos ma-suffocate habang naghuhukay ng ginto sa Misamis Oriental

Nasawi ang tatlong katao matapos ma-suffocate habang nasa loob ng hukay para maghanap ng ginto sa Balingasag, Misamis Oriental.

Kabilang sa nasawi ang dalawang lalaki na edad 48 at 38 at isang bata na edad 15.

Batay sa inisyal na imbestigasyon, posibleng sumabog ang water pump engine na ginamit ng mga biktima sa paghuhukay.

Ang usok mula sa pagsabog ay naging sanhi para sila ay ma-suffocate sa loob.

Naging pahirapan ang rescue operation dahil 25 feet ang lalim ng hukay. (DDC)