Ulat na pagpapaliwanagin ng DILG si Mayor Baste Duterte, hindi totoo ayon kay Sec. Abalos

Itinanggi ng Department of the Interior and Local Government (DILG) na pinagpapaliwanag nito si Davao City Mayor Sebastian “Baste” Duterte sa nangyaring pagbaha sa lungsod noong weekend.

Batay sa lumabas na ulat, nasa Tacloban City umano si Mayor Baste Duterte kasama ang ama na si dating Pangulong Rodrigo Duterte habang ang mga residente ng Davao City ay binabaha.

Dahil wala umano ang alkalde ng mangyari ang pagbaha ay posibleng hingan ito ng paliwanag ng DILG.

Pero ayon kay DILG Sec. Benhur Abalos, walang katotohanan ang naglabasang ulat na plano ng ahesya na hingan ng paliwanag si Mayor Duterte kaugnay ng nangyari. (DDC)