24 na miyembro ng MDRRMC ng San Jorge, Samar sumailalim sa pagsasanay

Sumailalim sa pagsasanay ang dalawampu’t-apat (24) na miyembro ng Municipal Disaster Risk Reduction and Management Council (MDRRMC) mula sa San Jorge, Samar.

Pinangunahan ng 𝐃𝐢𝐬𝐚𝐬𝐭𝐞𝐫 𝐑𝐞𝐬𝐩𝐨𝐧𝐬𝐞 𝐌𝐚𝐧𝐚𝐠𝐞𝐦𝐞𝐧𝐭 𝐃𝐢𝐯𝐢𝐬𝐢𝐨𝐧 ng DSWD Field Office VIII ang pagsasanay na idinaos sa San Jose, Tacloban City.

Layunin nitong maibahagi ang kaalaman at karanasan sa tamang pangangasiwa ng evacuation centers at pangangalaga sa mga Internally Displaced Persons (IDPs) o mga nagsisilikas tuwing may sakuna o kalamidad.

Bilang bahagi ng National Disaster Risk Reduction and Management Council (NDRRMC), tungkulin ng DSWD na magbigay ng technical assistance, tulad ng kahalintulad na training.

Patuloy naman ang pagbibigay ng technical assistance ng ahensya sa tuwing kinakailangan ng mga lokal na pamahalaan. (DDC)