Warriors pinasalamatan si Klay Thompson sa mga naiambag nito sa koponan matapos magpasyang lumipat sa Dallas Mavericks

Naglabas ng pahayag ang koponan ng Golden State Warriors hinggil sa paglipat ng team ng kanilang player na si Klay Thompson.

Ayon sa Warriors, sa labingtatlong taon ni Thompson sa Warriors ay hindi maitatanggi na nagkaroon ito ng “incredible” at “legendary” contributions sa koponan.

Kabilang dito ang 4 na NBA Championships ng Warriors, 6 na beses na pagpasok sa NBA Finals, 5 apperances sa NBA All-Star Game at marami pang NBA records.

Nakapagtala si Thompson ng kasaysayan sa NBA kabilang ang most points ever scored sa isang quarter at most 3-point field goals sa isang game.

Dahil dito, ayon sa Warriors, nagpapasalamat sila sa naging kontribusyon ni Thompson sa koponan.

Si Thompson ay lilipat na sa Dallas Mavericks. (DDC)